WACAN PROSEDURAL

PARING USADA NGGINAKAKEN RON SUKUN

Dening: Sulistyani

Sukun kalebet satuggaling tuwuhan ingkang asring dipunpanggihi wonten ing padintenan. Nanging saperangan ageng masyarakat namung ngginakaken woh sukun kangge dipundamel mawarni-warni dedhaharan kadosta sukun goreng, criping sukun, kolak sukun lan sapunggalanipun. Boten kathah masyarakating kang ngertos bilih ron sukun menika ugi gadhah mupangat ingkang ageng tumrap njagi lan ngusadani mawarni-warni penyakit.

Tansaya ngrembakaning pagesangan modern kanthi cara instan, tansaya ngrembaka penyakiting masyarakat. Ing jaman rumiyin warga masyarakat gesang kanthi cara ingkang tradhisional, satemah saged tebih saking penyakit. Menawi gerah masyarakat ing jaman rumiyin pados usada saking tetuwuhan ing sakiwa-tengenipun lan tebih saking obat kimia. Nanging kanyatan ing jaman samenika ingkang sarwa modern, obat-obat kimia tansaya ngrembaka lan obat alami tansaya dipuntilaraken. Namung wonten saperangan masyarakat ingkang tansah setya ngginakaken obat tradisional kangge paring usada dhateng satunggaling penyakit.

Sukun kalebet salah satunggaling tetuwuhaning kang saged dipunginakaken kangge paring usada kangge saperangan penyakit. Ron sukun saged dipunginakaken kangge ngusadani penyakit jantung, ginjel, nyegah kanker, nyegah kolesterol saha ngsadani  asamurat amargi ngandhut zatasetilcolin, tanin, riboflavin serta asam hid hidrosianat. Wonten ing ngandhap menika badhe katerangaken caranipun paring usada ngginakaken ron sukun.

A.      Kangge Ngusadani Penyakit Jantung

Caranipun:

1.      Nyamektakaken saklembar ron sukun ingkang sampun sepuh, langsung dipunpendhet sakingwitipun.

2.      Ron menika dipun kumbah ngantos resik

3.      Ron dipunpepe ngantos garing

4.      Ron ingkang sampun garing dipun godhog ngginakaken toya kinten-kinten 5 gelas

5.      Dipungodhog ngantos sisanipun dados 2,5 gelas

6.      Sasampunipun umub ditambah malih toya ngantos dados 5 gelas malih

7.      Saring lan dipun unjuk rutin saben dinten

B.       Obat Sakit Ginjel

Cara anggenipun ngracik meh sami kaliyan wonten ing nginggil. Bedanipun namung ngginakaken 1 gelas kemawon. Dipungodhog ngantos umub, lajeng dipununjuk rutin saben dinten.

C.      Kangge Nyegah Kanker

Caranipun:

1.   Nyamektakaken 1 ron sukun ingkang sampun sepuh lan garing

2.   Ron sukun dipun umbah ngantos resik

3.   Ron sukun dipungodhog ngginakaken toya 5 gelas ngantos umob

4.   Sasampunipun umob dipunparingi toya 5 gelas malih. Dipuntengga ngantos umob malih

5.   Ingkang pungkasan dipuntambahi toya 5 gelas malih lajeng toya menika dipunsaring

6.   Toya dipununjuk sabendinten nalika toyanipun sampun asrep.

D.      Kangge Nyegah Penyakit Kolesterol

Caranipun:

1.      Nyamektakaken setunggal genggem ron sukun ingkang sampun garing

2.      Campur ron sukun ing kang garing kalawau kalihan setunggal genggem ron bangle

3.      Capuran menika dipunparingi toya benter (diseduh)

4.      Saring toya wau, dipunparingi sekedhik gendhis utawi madu supados boten pait

5.      Dipununjuk kanthi rutin ngantos kolestrol mandhap

E.       Kangge Ngusadani Asam Urat

1.      Nyamektakaken setunggal genggem ron sukun ingkang sampun garing

2.      Ron menika dipungodhog utawi dipun paring toya benter (diseduh)

3.      Tengga ngantos asrep

4.      Dipun unjuk kanthi teratur ngantos asamurat ical