PROFIL WIRAUSAHA

Kepengin Mbiyantu Lare-Lare Putus Sekolah

Wonten ing jaman ingkang tansaya majeng kados samenika, sinten kemawon ingkang badhe pados padamelan menawi boten gadhah ketrampilan temtu kemawon kraos sisah. Tiyang ingkang badhe pados padamelan ugi kedah gadhah pendhidhikan ingkang tansaya inggil. Ananging menawi dipuntingali, wonten kanyatan ing padintenan ugi taksih kathah pengangguran saha ugi boten sekedhik lare ingkang putus sekolah.

Kawontenan menika nggungah penggalihipun mbak Ridhani Pangestuti. Sarjana pendhidhikanlulusan jurusan Pendidikan Bahasa Daerah, UNY  menika gadhah ide kangge mbiyantu lare-lare ingkang putus sekolah wonten dhaerahipun kanthi usaha aksesoris hijab, aksesoris wanita saha souvenir pernikahan. Ananging souvenir pernikaha naming dipundamel menawi wonten pesenan.  “Kula kepengin nyaluraken hobi, blajar dagang saha gadhah impen-impen saged damel lapangan pekerjaan kangge tiyang sanes amargi kathah lare putus sekolah wonten dhaerah kula”, ngendikanipun nalika dipuntakeni alasan miwiti usahanipun.

Guru SMA N 1 Ambarawa kelairan 13 Juli 1987 menika saged angsal bathi saben wulanipun antawis 500 ewu ngantos rong yuta rupiah. Ananging ngantos 4 wulan saking usaha menika dipunbangung, panjenenganipun dereng saged ngincipi asilipun amargi omsetipun dipuangge modal malih. Amarga taksih arupi usaha alit, pramila  dereng saged mbiyantu lare-lare ingkang putus sekolah wonten dhaerahipun. Anggenipun produksi namung dipunrencangi dening ibu saha ponakanipun saha sadaya kagiyatan produksinipun taksih ngginakaken cara manual.

Anggenipun masaraken produkipun, mbak Ridha ngginakaken kathah cara kadosta ngginakaken blog inggih menika http://ridhabucan.blogspot.com/ , dipuntitipaken kancanipun wonten Batam saha dipuntitipaken wonten tiyang sadean aksesoris wonten peken saha supermarket utawi swalayan. Kajawi diputitipaken, ugi dipunsade piyambak saben dinten Jumat wonten area pabrik ing Ungaran saha saben dinten minggu wonten pasar minggu Ungaran. Kajawi menika ugi diputitipake wonten koperasi sekolah saha saged nampa pesenan saking murid utawi guru.

Anggenipun mbangun usahanipun ugi boten uwal saking kasisahan-kasisahan. Kaisahan-kasisahan ingkang nate dipualami dening mbak Ridha kadosta menawi barang ingkang diputitipaken wonten ingkang ical, nalika retur cacahipun boten jumbuh kaliyan salinipun saha kenging gusur nalika sadean wonten pasar minggu amargi dereng gadhah panggenana ingkang tetep.